Зошто македонците кои веќе живеат во странство, за празниците се враќаат во родните места? Штипјани велат дека македонците кои живеат во странство доваѓаат во Македонија затоа што услугите се поевтини, а често и поквалитетни отколку во странство. Анкетираните истакнуваат дека фризерските, козметичките и стоматолошките услуги тука се подостапни и не удираат толку по џебот. Дополнително, многумина се враќаат за празници бидејќи тука им се семејствата и родното место, па атмосферата е поубава. За дел од нив, доаѓањето е и можност да се види нешто поразлично и да се избега од секојдневието.
„Слушајте да ви кажам, од тука нема поубаво. Тука е ем поевтни ем поубаво. Таму е многу скапо, чисто за тоа доваѓаат, и услугата, оваа услуга што ја има тука, мислам дека таму ја нема, можеби и ја има но многу поскапо, по џебпт ќе им удри. Затоа доваѓаат.“
„Тие си знаат, да ти кажам право. Имаат родители, имаат мајка, татко.“
„Епа тука им е поубаво, тука им е поубаво, тука им е родното место, тука им е поубаво да си ги видат родителите. Мојте беа тука и тука се поубаво прославува Велигден, тоа е тоа.“
Граѓаните посочуваат дека доваѓањето во Македонија не е причинето само од цените, туку и од лични причини како семејството и чувството на припадност.
„Секоја промена е интересна, секој сака да виде странско, да виде од подалеку. Бидејќи се кога си на едно место е досадно. Тоа е ако има кај кого да дојде, и останувајки тука како гостин, тогаш може да прави фризура, а за една фризура, тоа е луксуз. Не верувам дека е вистина така само за една фризура.“
„Епа ќе дојдат, како, родители сме, децата ќе си дојдат тука. Цените и на страна е толку и во Македонија е толку, само платата кај нас е помала или пензијата, а таму јадењето дури и поевтино е. Подобри се мајсторите за фризура тука, не е проблем, каде има евтино, таму си одеме. Ќе дојде уште малку први и пак пензија ќе си земем, нема проблем.“
Севкупно, комбинацијата од пониски цени, добра услуга и семејна поврзаност е главната причина за ваквите посети. Меѓутоа, без разлика на причините, анкетираните велат дека се среќни за нивните посети.
Дајана Сандева, М-Нет