Во 17. коло од Третата лига – Север, лидерот Еуромилк ГЛ продолжи со доминацијата и без поголеми проблеми славеше на гостувањето кај Отља со 2:0, задржувајќи го перфектниот ритам и убедливо првото место на табелата.
Најблискиот конкурент, БВК Коњаре, исто така запиша важна победа, триумфирајќи со 3:1 на гостувањето кај Башкими Љуботен, со што останува во трка за врвот и го држи чекорот со лидерот.
Ефикасно беше и во Лопате, каде Ржаниќино убедливо славеше со 4:1, додека Кадино стигна до ретка, но значајна победа од 3:2 против Беса Сл., во еден од поинтересните натпревари во колото.
Нерешено (1:1) заврши дуелот меѓу Фортуна 1975 и Куманово, резултат кој повеќе им одговара на гостите кои остануваат во горниот дел од табелата.
Студеничани, пак, со минимални 2:1 ја совлада Пчиња 2015 и освои важни бодови во борбата за избегнување на долниот дел од табелата.
По ова коло, Еуромилк ГЛ е убедливо прв со 49 бодови и без пораз, додека БВК Коњаре е втор со 44. Аеродром 2018 (со натпревар помалку) ја држи третата позиција, додека Куманово и Ржаниќино се во чекор зад водечките екипи.
Шампионатот во ТМФЛ Север продолжува со висок ритам, а битката за врвот и за опстанок станува сè поинтересна.