Нов бран вработувања во здравството, денес најави министерот за здравство Азир Алиу. По административниот дел од изборите , започнува процесот за целосна систематизација на сите клиники и здравствени установи. Како што рече тој во изјавата, целта е секоја институција да има 100% вработени според реалните потреби. Алиу вели дека тоа ќе донесе побрзи и поквалитетни здравствени услуги за граѓаните.
За жал ние во моментот имаме институции кои што спроед структурата, здравствените услуги и систематизацијата, немаат 100 посто вработени за потребите кои што ги имаат и тука после изборите, официјално ќе заврши администартивниот дел, ние ќе продолжиме да вработуваме во здравството се со цел таа систематизација предвидена од секоја клиника, секоја здравствена институција да биде 100 проценти реалзирана. Тоа значи дека ќе имаме здравствени работници, кои што ќе нудат услуги во реално време и по клавитетни услуги за граѓаните.“, рече Алиу
Министерот Азир Алиу вели дека конечно се проверува што навистина се случува по клиниките. Гледаат каде има проблеми со луѓе, со објекти, со услуги и ветува дека брзо ќе има решенија.
,,Ние исто така сме во тек и неколку клиники веќе ги анализираме услугите, инфраструктурата и човечкиот фактор и многу брзо ќе излеземе со решение за оптимизација на здравствените услуги, здравствената инфраструктура во државата. Знаете дека тој процес не можеме за три месеци да го решаваме, кои што се со години натрупани. Ве уверувам, дека ќе бидеме прецизни, јасни и транспарентни за јавноста за да знаеме со каков еко систем располагаме.“, додаде Алиу
Инаку, Здравството одамна има маки, недостиг од кадар, застарена опрема и гужви по болниците. Министерот ветува дека овој пат ќе има конкретни решенија, а не само ветувања. Понатаму она што остану е да се види дали најавените промени навистина ќе го донесат тоа.
Иван Митев, М-Нет