Во Кочани рекорден број пријавени канидати за градоначалници за престојните избори кои ќе се одржат на 19 октомври годинава. Шест кандидати влегуваат во трката за градоначалничката фотелја. Дополнително има и девет поднесени листи за советници. Политичките апетити се зголемија во Кочани по трагедијата во дисоктеката Пулс. Освен политичките парии во трката за градоначалник влегуваат и двајца независни кандидати. Интересна ќе биде и ситуацијата во кочанскиот Совет со оглед на фактот дека има поднесено и независни листи на советници.
Од друга страна во Македонска Каменица за градоначалник ќе се борат двајца независни кандидати и кандидати предложени од ВМРО ДПМНЕ и СДСМ.
Во општините Штип, Карбинци, Пробиштип, Чешиново – Облешево, Зрновци, Делчево и Виница за градоначалник ќе се борат само канидатите од двете најголеми партии СДСМ и ВМРО ДПМНЕ, додека во Пехчево и Берово во трката влегуваат и канидати од Левица.
Интересна е сликата и со поднесени советнички листи. Најмногу поднесени советнички листи има во Штип, 11, па потоа во Кочани девет. Во општина Чешиново Облешево каде советот брои 9 советници, има поднесено осум советнички листи за престојните локални избори.
Рокот за поднесување листи за кандидати за градоначалник и советнички листи истече во саботата на полноќ.
За овие избори во општините од Истокот може да се забележи дека застепни се и жените повеќе споредбено со претходните градоначалнички избори. Во општините Кочани, Македонска Каменица и Карбинци има предложени кандидати за градоначалници жени.
Во Општина Делчево пак четири носители на листи на советници се жени.
Лаура Стојанова Ќирчов, М-Нет