Во недела ќе се одржи Државното првенство во кик-бокс во Скопје, каде штипскиот кик-бокс клуб Гладијатор Фајт ќе земе учество со 15 натпреварувачи во машка и женска конкуренција.
Младите натпреварувачи се подготвени за предизвикот кој ги очекува во Скопје, веќе в недела, со успешни подготовки се надеваат на добри резултати и медали.
Во женска конкуренција ќе настапат Антонија Тасева, Ива Спиркова, Андреа Милошевска, Ангела Митева и Зорана Митева. Во машка конкуренција учество ќе земат десет натпреварувачи од штипскиот клуб каде тренер е Шенол Асанов, а се работи за Јован Јанковски, Андреј Алексов, Марио Алексов, Љупчо Коштанов, Зоки Михајловски, Баже Јанев, Михаил Јанев, Мартин Митов, Димитар Иванов и Максим Иванов.
Помошен тренер на детската група во кик-бокс клубот Гладијатор Фајт од Штип е Викторија Варадинова.
Кик-бокс клубот Гладијатор Фајт ќе настапува во категорија деца, кадети и јуниори во дисциплината киклајт. Од клубот се надеваат да се претстават во одлично светло и во Штип да се вратат со многу медали.
Александар Ванев, М-Нет