Течат последните подготовки за реализација на 39. издание на фестивалот Макфест во Штип. И годинава на сцената во НУЦК „Ацо Шопов“ Штип ќе се престават над 20 изведувачи, во двете фестивалки вечери, однонсо во петок и сабота. Композициите ќе бидат проследени со оркестар во живо.
„Штип ќе биде повторно центарот на македонската забавна музика овој викенд. Очекуваме многу гости, многу забава, одлични композиции кои ќе бидат презентирани на овогодинешниот Макфест. Она коешто го сакам да го споделам е дека оваа година композициите ќе бидат проследени со оркестар во живо. Надминато е и недоразбирањето со Министерството за култура.“ – вели Јорданов.
Рекордениот број пријавени песни за учество на фестивалот само ја потврдува се поголемата заинтересираност и кај естрадата и кај јавноста.
„Претпоставувам дека го направивме најдобриот избор од песни. Оваа година има рекорден број пријавени песни. Ако лани имаше 55 песни оваа година има пријавено 76 песни“ – вели Саздов.
Деновиве се поставува и сцената и се очекува масовна посетеност на феситвалот. И оваа година ќе биде без награди, а ќе се престават познати имиња од македонската естрада.
„Деновиве интезивно се поставува сцената и сценографијата која претходно беше дизајнирана од стручни лица. Очекуваме еден добар масовно посетен феситвал, очекуваме недела на Макефсет во Штип.“ – вели Арсовски.
Целта е да се негува фестивалот и да остане на идните генерации. На таков начин се добиваат нови мелодии, нови песни и нови имиња на музичката естрада.
„Тоа беше целта, фестивалот да остане на идните генерации и треба да го негуваат исто како што и ние сме го негувале и затоа се инволвирани и нови имиња и нови автори и да направиме една свежина. Задоволен сум иако ни е ограничен бројот на автори и изведувачи од нашата естрада“ – вели Јованов.
Министерството за култура за Макфест издвои еден милион денари, а останатите пет милиони се од општината и општествено одоговрни фирми.
Лаура Стојанова М-Нет