Екипата на Охрид за пролетната полусезона од Втората македонска фудбалска лига се засилува со Дамјан Масевски од прволигашот Силекс, ексклузивно дознава и прва објава телевизија М Нет.
22-годишниот Масевски ќе биде ново засилување за екипата предводена од Александар Толески. Во својата кариера покрај за прволигашот од Кратово, Масевски има настапувано и за екипата на Тетекс, Кадино и Работнички од каде и потекнува.
Претходно Охрид се засили со Филип Димоски, а во стручниот штаб влегува и поранешниот капитен и играч Ромео Кочоски во улога на помошник тренер на Александар Толески.
Во следните денови Охрид ќе го промовира новото засилување.
Александар Ванев, М-Нет