Кошаркарите на Струмица вечерва претрпеа нов висок пораз, откако на гостувањето кај Феникс 2010 во рамки на 14. коло од Првата кошаркарска лига беа поразени со резултат од 85:71.
Стартот на натпреварот беше катастрофален за Струмица, која првата четвртина ја загуби со високи 30:11. Во втората четвртина Струмица ја стабилизира играта и беше подобра, на почеток резултатски беше израмнето. Во еден момент кога беше побаран тајм-аут, резултатот беше 9:10 во втората четвртина за Струмица. По тајм-аутот продолжи неизвесната игра, а Струмица успеа да ја стабилизира играта и во продолжението и втората четвртина ја доби со 15:21 за на полувреме резултатот да биде 45:32 за домаќинот Феникс 2010.
Ваквиот резултат даваше најава дека во второто полувреме ќе гледаме неизвесен натпревар кога е во прашање освојувањето на целиот „плен“.
Третата четвртина започна со израмнета „борба“ на терен, но на крај истата му припадна на домаќинот со резултат од 23:19. Последната четвртина донесе голема возбуда и неизвесност. Иако истата им припадна на струмичани со 17:20, сепак, тоа не беше доволно за триумф, најмногу поради слабиот старт и лошата прва четвртина.
Конечниот резултат беше 85:71 во полза на екипата на Феникс 2010 со што Струмица претрпе нов пораз во прволигашкото друштво и останова „закована“ на дното од табелата.
Феникс 2010 е на високото четврто место со 23 бодови колку што има и третопласираниот ТФТ Скопје, додека пак Струмица е последна со 16 бодови.
Во следното коло Феникс 2010 ќе гостува кај Куманово, а пак Струмица ќе биде домаќин на лидерот Пелистер.