Попладнево се случи пожар на таблата со струјомери во станбена зграда т.н. Црвена кула на ул. “Страшо Пинџур” во Штип. Интервенирале екипи на ТППЕ Штип и пожарот целосно е локализиран и не се проширил на другите делови од зградата. Зградата се уште е без електрична енергија. Екипи на СВР Штип вршат увид на местото на настанот. Подетални информации во врска со овој случај се очекуваат во текот на утрешниот ден.
