Јавните претпријатија Исар и Стипион од денекса со нови директори. Имено два дена откако ја презема гадоначалничката функција, новиот градоначалник на Општина Штип, Иван Јорданов ги назначи Трајче Здрвков за ВД Директоро на ЈП „Исар“ и Игор фтимов за ВД Директор на ЈП „Стипион“. Ова следува откако претходните директори си дадоа оставки по Локалните избори на 17 октомври.
„Денес одлучив да донесам одлука за назначување на нови вд директори на овие две јавни претпријатија. Имено на ЈП „Исар“ се назначува Трајче Здравков кој што е досегашен правник во истото претпријатие, а за ЈП „Стипион“ се донесува одлука и се назначува Игор Ефтимов. Се надевам дека овие решенија ќе ја оправдат довербата на нардото и она кое што го ветувавме дека ќе направиме по функционални јавни претпријатија за сервис на граѓаните“ – кажа Јорданов.
Приоритет на новите директори е да се реорганизираат, да постават тим кој што ќе носи резултати и ќе биде во функција на граѓаните. Тие пак истакнаа дека ќе ја опрвдат добиената доверба од страна на новиот градоначалник.
Сегашните директори ќе бидат вршители на дејноста директор, и доколку новиот градоначланик не е задоволен од нивната работа истите ќе бидат разрешение. Претходно на позиција ВД директор на „Исар“ беше Здравко Коцев, а ВД Директор на „Стипион“ Трајче Коштанов.
Лаура Стојанова М-Нет