Градот Радовиш беше домаќин и технички организатор на меѓународниот турнир во Борење „Шампиони“на кој настапија и младите борачи на Балканец од Штип. Според информациите од членот на раководството Константин Шоров, младите штипски борачи го искажаа сиот свој раскошен талент и прикажаа одлични борби освојувајќи еден куп медали.
Златни медалји во своите категории освоија: Андреј Мишев, Стефан Стојков, Стојанче Стојков, Зоран Шоров, Андреј Трајчов и Викторија Ѓурова. Со сребрени медалји во своите категории се закитија: Дарио Ѓуров, Лука Ананиев, Јован Стефанов и Марија Цветанова. Бронзени медалји во своите категории освоија: Иван Коцев, Јован Атанасов, Христијан Тасевски, Јован Балабанов, Јован Митев и Анабела Данилова.
Драги Герасимов – Пушка Mnet.mk