Сезоната на зимници не е во полн ек, но сепак пиперот за ајвар и модриот патлиџан веќе се достапни за граѓаните кои сакаат да го фатат првиот воз и да почнат со подготовка на зимници. Продавачите на градскиот пазар во Штип велат дека денеска пиперот е со пониска цена, а од наредната недела веќе во зависност од квалитетот ќе расте и цената. Ама годинава нема многу производство, а има побарувачка.
„Денеска прилично помалку се троши не е сезона, наредната недела ќе биде повеќе екот, ќе биде поскап, сега е со пуштена цена за да излава, да се потроше за луѓето што сакаат да прават оваа недела“
„Луѓето сега купуваат ајварски пипер, зимат го за почеток, цената е од 30 до 40 денари во зависност од квалитетот“
Произведувачите на ајварски пипер и модар патлиџан откриваат и дел од тајните за да се препознае и купи квалитетен производ.
„Ајварскиот пипер се познава на две лица да биде пиперката, кога се обрне да биде црвена, да не е фолиски, да е на отворено. Ние го тоа разбираме оти го работиме“
За туршија велат произведувачите сеуште е рано, бидејќи температурите се високи. Најпогодно време за ставање туршија, кисели краставички е кога дневната температура ќе се движи во интервал до 20 степени. Според нив сезоната на купување корнишони, карфиол, зелка ќе заспочне за две недели, но предвидувањета се дека и овие производи ќе држат висока цена, бидејќи производството е намалено.
Лаура Стојанова М-Нет