Одбојкарите на Штип УГД го одбранија трофејот во Купот на Одбојкарската федерација на Македонија, откако во финалето славеа со 3:1 во сетови против Борец од Велес.
Финалниот натпревар ги оправда очекувањата и донесе квалитетна и борбена игра од двете страни. Штипјани подобро го отворија мечот и го добија првиот сет со 25:17, наметнувајќи контрола уште од стартот.
Борец возврати во вториот сет и намали со 25:22, но клучниот момент се случи во третиот сет, кој донесе вистинска драма. Штип УГД беше посмирен во завршницата и го доби сетот со 32:30, што се покажа како пресудно за конечниот исход.
Во четвртиот сет актуелниот шампион ја потврди својата доминација и со убедливи 25:13 го затвори натпреварот за конечни 3:1 и нов трофеј во своите витрини.