По посета на Здравствениот дом „Панче Караѓозов“ Штип, денеска беше министерот за здравство Венко Филипче. Интензитетот на работа е доста зголемен, бидејќи Здравствениот дом во Општина Штип е најголемиот здравствен дом во истокот, а овде се наоѓа и итната медицинска помош. Пандемијата со корона вирусот, исто така е во полн ек, меѓутоа и бројот на лекари и медицински сестри е зголемен, кажа Филипче. Количината на брзи ковид тестови е доволна, со што близу 100 тестирања се прават дневно. Постои одличен систем на координација и со работата во две смени се излегува во пресрет на потребите на граѓаните – истакна Филипче. Исто така се работи и на поставување на модуларната ковид болница кај Клиничката болница Штип, бидејќи според Филипче Штип е приоритет. Согласно барањата, армијата е на располагање за распоредување на пациентите пред болниците, но се одлучува по барање на Кризниот штаб – соопшти Филипче.
Лаура Стојанова М-Нет