Со цел да купат 3Д принтер, учениците од ООУ „Гоце Делчев“ од Штип решиле да изработат велигденски украси и да ги продаваат во велигденска кошница низ штипските улици. Кој што имал донел, купил, па со умешните раце направиле уникатни дела. Почнувајќи од училиштето, па се до новото шеталиште „Ванчо Прќе“, тие масовно се движеа и културно ги нудеа на граѓаните во градот и на секого го честитаа претстојниот празник Велигден. Убаво украсени зајачиња, пиленца и јајца, беа дел од нивните изработки.
,,По повод велигденскиот празник Велигден, ние учениците од ОУ Гоце Делчев Штип, изработивме велигденски украси, кои што ќе ги продаваме низ градот и во училиштето со цел да купиме 3 де Принтер“, велат учениците
Иницијативата е излезена од ученичкиот парламент, велат учениците, па во текот на овие денови очекуваат да ги соберат потребните средства.
Инаку, цената на изработките беа пристапни за граѓаните, а посебно се радуваа повозрасните, кои беа одлучни да купат, а за возврат на тоа, тие беа почестени и со убав збор.
Лаура Стојанова Ќирчов, М-Нет