Ракометарите на Текстилец немаа сили за ново изненадување откако загубија на домашен терен во Штип од непоразениот лидер Младост од Богданци со високи и убедливи 22:35.
Натпреварот од 9. коло на Првата лига донесе нов триумф за тимот од Богданци за осум од осум, а пак штипјани имаат три порази и пет победи.
Само во првите моменти беше игра гол за гол, кога во 12. минута од натпреварот Младост дојде до плус три при 5:8, а потоа Текстилец стигна до 10:11 во 19. минута. Сепак на полувреме гостинот од Богданци замина со пренодст од плус 5 при 14:19.
Во второто полувреме разликата се зголемиуваше за Младост играше на рутина и стигна до победата од 22:35.
За домашниот тим најдобар стрелец беше Филип Џинес со сум погодоци, а пак за гостинот од Богданци најдобар стрелец беше Даниел Андоновски со 11 погодоци, воедно најдобар стрелец на мечот во Штип.
Во следното коло екипата на Текстилец ќе гостува кај Јехона, а пак Младост ќе игра дерби против Драчево Јуниор.
Овче Поле на гостински терен забележа триумф од 32:34 над Шампион, Аеродром дома загуби од Македонија ЃП со 22:25, додека пак Преспа немаше сили и загуби дома од Вардар Неготино со 19:25.
Драчево Јуниор го декласираше „фенерџијата“ Кичево со 52:21, а пак Јехона беше декласирана од Мулти Есенс со 24:44.
Александар Ванев, М-Нет