Попладнево се случи тешка сообраќајна несреќа на патот Велес–Штип, во близина на клучката за село Дорфулија, во општина Лозово, во која животот го загуби 46-годишен маж од Куманово.
Според првичните информации, тој со автомобил „Шкода Фабија“ излетал од коловозот, по што починал на местото на несреќата.
Телото на починатиот е предадено на обдукција, а на местото на настанот се врши увид за утврдување на причините и околностите под кои се случила несреќата.
Повеќе детали се очекуваат по завршувањето на увидот.