Прволигашот Тиквеш со убедливи 3:0 славеше над второлигашот Слога од Виница на првиот пријателски натпревар во рамки на подготовките за пролетната полусезона.
Двоен стрелец за Тиквеш беше Александар Мишов, додека пак едниот гол беше дело на Едиз Спахиу за конечни 3:0. Денешниот пријателски натпревар беше прв и за Слога Виница.
Резултатот беше во втор план и на двете екипи, а шанса добија сите играчи на двете страни со цел тренерите да ја проверат моменталната подготвеност на играчите.
Следен пријателски натпревар за Тиквеш ќе биде против Брегалница на 24. јануари (вторник) во Штип, додека пак Слога Виница на домашен терен ќе игра против прволигашот Силекс на 25. јануари (среда).