Фудбалерите на ФК Струга Трим Лум забележаа сигурна победа од 3:0 против албанскиот тим ФК Малиќ во пријателски натпревар одигран во рамки на подготвителниот период.
Македонскиот шампион доминираше во текот на целиот натпревар и ја потврди добрата форма со три погодоци. Стрелец на првиот гол беше Малески, со што Струга ТЛ го отвори резултатот и го наметна своето темпо на игра.
Во продолжението од средбата, предноста беше зголемена преку Рочи, а конечниот резултат го постави Радески, за убедлива победа од 3:0.
Контролниот натпревар му послужи на стручниот штаб на Струга ТЛ за проверка на формата, тактичките решенија и минутажата на поголем број фудбалери, а прикажаната игра е охрабрувачки сигнал во пресрет на претстојните предизвици во продолжението од сезоната.