Младиот борач Лука Ананиев од Штип продолжува да блеска на меѓународната сцена, откако на Балканското првенство кое се одржа во Романија го освои сребрениот медал, што е уште една потврда за талентот на 14-годишниот Ананиев.
Тој имаше импресивни настапи и одлични борби на Балканското првенство, забележа три убедливи победи, а потоа во финалето беше поразен и го освои второто место и со тоа се закити со сребрениот медал.
ИЗЈАВА 20251010_092819 Лука Ананиев, борач 00:28 (оваа година конкуренцијата) до 00:48 (претставник од Турција)
Ананиев се натпреваруваше во категорија до 44 килограми пионери, а покрај него уште пет македонски репрезентативци настапија Балканското првенство, односно Кристијан Атанасов, Мираџ Мустафа, Даријан Павлев, Христијан Димитриев и Викторија Ѓурова, но Ананиев беше најуспешен од сите.
Сега фокусот се става на Државното првенство, а паралелно ќе течат подготовките и за Европското првенство кое ќе се одржи следната 2026 година.
Ананиев е исклучително талентиран и посветен спортист, кој важи за голем талент на македонското борење од кое се очекува во иднина да има големи успеси на меѓународната сцена.
Александар Ванев, М-Нет