Тиквеш утре во рамки на 9. коло од ПМФЛ ќе гостува во Скопје каде ќе се соочи со екипата на Работнички.
Тиквеш влезе во победника серија од две победи во низа и сака продолжување на истата, а пак Работнички после поразот од Струга сака триумф и прогрес на табелата.
Фудбалерот на Тиквеш, Едиз Спахиу, очекува продолжување на серијата позитивни резултати и против Работнички.
„Го почитуваме Работнички, но после двете победи против Вардар и Брегалница очекувам серијата позитивни резлутати да ја продолжиме и во недела против Работнички.“
Благојче Спиркоски вели дека во екипата владее одлична атмосфера после двете победи дома, па очекува од Скопје да се вратат со позитивен резултат.
„Во соблекувалната владее одлична атмосфера после двете победи дома. Во Скопје одиме да се надигруваме и да се вратиме со позитивен резлутат, од прв до последен сме спремни ќе го дадеме максимумот на терен, за уште еднаш да ги израдуваме нашите навивачи.“
Главен судија на утрешниот меч кој ќе започне во 14 часот е Александар Ставрев.