Одново се разгорува битката за првите места во Втората кошаркарска лига, откаок во рамки на 20. коло екипата на Маџари неочекувано загуби на гостувањето кај Бутел со 78:67 со што сега ваквиот кикс на фаворитот прави ново израмнување на табелата.
Соколи со тесни 77:79 го добија вториот тим на МЗТ Скопје, па сега кошаркарите на штипскиот клуб имаат ист број на бодови како и Маџари и Ангели, кој пак го доби „фенерџијата“ Работнички 2018 со 66:101.
Мега Баскет на домашен терен загуби од ланскиот прволигаш Охрид со резултат од 70:77, а пак Водно Санс со убедливи 104:69 го декласираше тимот на Струмица.
Колото ќе се затвори вечерва со натпреварот во Струга меѓу Црн Дрим и Борец Баскет од Велес.
Во однос на табелата екипата на Ангели со 36 бодови е прва, а толку има и Маџари кој е втор и Соколи од Штип кој е трет. На дното е Работнички 2018 со 22 бодови на своето конто.
Александар Ванев, М-Нет