Некогаш здравствениот дом во близина на село Лакавица била најблиската амбуланта која ја користеле жителите кога имале потреба. Денеска состојбата во која се наоѓа е далку од функционална. Освен изгорени греди, разрушен кров, нема ниту прозорци ниту врати оти сѐ е изгорено, откако претходно сѐ што можело да се користи било украдено. Обрасната трева пред објектот оставен на забот на времето е сликата на амбулантата која некогаш се користела. Повозрасните жители од село Лакавица се сеќаваат на болницата, велат оддамна постоела и се користела ама била од големо значење за нив. Доаѓале лекари од градот и на тој начин тие не морале да минуваат повеќе од десетина километри за да одат на доктор. Помладите не се сеќаваат, велат само дека најблиската болница сега им е во Штип.
„Да, да имаше болница на 20 километар, имаше едно време, за време на Југославија. Едно време тука имаше една медицинска сестра, ама веќе нема.
За објектот кој некогаш служел како болница, а денеска се распаѓа нема историски податоци оти како што сведочат повозрасните граѓани постоел во време на Југославија. Велат дека потребно е да се преземат мерки за негова реконструкција и истиот да може повторно да се користи, со што жителите од околните поблиски села би можеле да го користат.
Лаура Стојанова М-Нет