Ракометниот прволигаш Младост од Богданци ги започна подготовките за вториот дел од сезоната во Првата лига. Ракометарите на тимот од Богданци на 13. јануари означија старт на зимските подготовките, а клубот тренира со полн интензитет со по два тренинга на ден во салата и во теретана.
Тимот есенскиот дел ги заврши на второто место во групата Б од Првата лига, со 17 бодови на своето конто, бод помалку од Скопје кој е есенски шампион во оваа група.
Од следната недела Младост ќе започне и со одигрување и на пријателски натпревари преку кои ќе се темпира формата за пролетниот дел.
Тимот сака враќање во Суперлигата, но целта ќе биде тешка, а плеј-офот ќе биде неизвесен. Првопласираниот тим во плеј-офот од Првата лига обезбедува директен влез во Суперлигата, додека пак второпласираниот тим ќе игра бараж со екипата која ќе биде претпоследна во плеј-аут од Суперлигата.
Александар Ванев, М-Нет