Фудбалскиот клуб Работнички го официјализира второто засилување за денеска, откако договор со клубот потпиша Ардит Дестани. Младиот напаѓач ја засили нападната линија на „црвено-белите“ со очекување дека ќе донесе дополнителна креативност и брзина во офанзивата.
Дестани, кој игра како лев напаѓач, потекнува од младинските категории и има богато искуство за својата возраст на терените во Швајцарија. Пред да пристигне во Работнички, тој настапуваше за ФК Парадизо во швајцарската Промоушн лига, а претходно беше дел од младинските и вторите тимови на ФК Вадуз, каде изградил солидна база на натпреварувачко искуство.
Со својата подвижност, технички способности и желба за напредок, Дестани се очекува брзо да се адаптира и да биде важна алтернатива за стручниот штаб. Од управата на Работнички се оптимисти дека овој трансфер ќе придонесе за подобрување на резултатите во продолжението од сезоната.
Од клубот му упатија најискрени честитки и топло добредојде за Ардит Дестани – среќа и успех со црвено-белиот дрес!