Празот пристигна на штипскиот пазар – две врзаници за 120 денари.
Свеж, миризлив и штотуку донесен од нива – празот конечно се појави на тезгите.Купувачите веќе се снабдуваат, а продавачите велат: оди како алва. Сега се купува за вкусен традиционален ручек, а од следниот месец ќе се пазари „на големо“ – да има за цела зима.
Продавачите велат дека граѓаните не штедат и не се двоумат – купуваат веднаш, без размислување, знаејќи дека празот е основна состојка во секој дом и есенскиот ручек не може да се замисли без него.
Празот се купува брзо и без двоумење, затоа што сите знаат колку е важен. Штипските домаќинки ќе го купуваат и за зимските денови. Вкусот на празот е непроценлив и секогаш присутен на македонската традиционална трпеза.
Лаура Стојанова Ќирчов, М-Нет