Преполна беше салата во Тошо Арсов во Штип на дерби натпреварот од првото коло на Втората Футсал лига на Македонија помеѓу екипите на Астибо и на Кардшлк. Љубителите на малиот фудбал по подолга пауза можеа да ги проследат мајсториите на играчите на двете екипи особено на Кардшлк кој ете повторно се активира и настапува во една првенствена сезона а беа потпомогнати и од блех оркестар. Натпреварот започна со претпазлива игра во која за нијанса подобри беа играчите на Кардшлк кои и први дојдоа во водство. Фудбалерите на Астибо не потклекнаа, имаат големо искуство и во финишот на првото полувреме го израмнија резултатот на 1:1 за да на крајот постигнат и гол за 2:1 со што се отиде на одмор.
Во второто полувреме имаше обиди од страна на играчите на Кардшлк да направат израмнување, но се чини дека беа премногу себични, не играа колективно а и физички како да не беа доволно спремни. Тоа го искористија искусните играчи на Астибо и рутинирано постигнаа уште 3 гола за конечен резултат Астибо – Кардшлк 5:1 а стрелци на головите за Астибо беа: Иван Стојчев 2, Марјан Зашков, Александар Божинов и Иван Андонов по еден гол а Џенгис Кадриев го постигна голот за Кардшлк. Судиската двојка Александар Ајдаров и Кирил Манчев одлично го водеше натпреварот имајќи ги во предвид и фер и коректниот однос на играчите на обете екипи.Еве ги комплетните резултати од ова прво коло:
1. Кеги Моби – Црешово Топче 15:0
2. Мал Ајакс – Форца 4:4
3. СЕЕ У. – Овче Поле 2:8
4. Астибо – Кардшлк 5:1
Денес колото ќе се комлетира со натпреварите:
5. Проект Јосифово – Клими
6. Конзули – Велешта
Драги Герасимов – Пушка Mnet.mk