Населба „Нов Караорман“ за прв пат после 70 години добива нов канализационен систем со пречестителна станица за одвод на отпадните води. Денеска во присуство на Министерот за транспорт и врски, Бочварски и градоначалникот на Карбинци, Насев се изврши увид во извршувањето на активностите за потребите на граѓаните кои живеат и работат овде.
„Го затвараме прашањето со овој горлив проблем на граѓаните од „Нов Караорман“, но паралелно со ова работиме и на исти ваков канализационен систем во населеното место Козјак“ истакна Бочварски.
Во населба „Нов Караорман“ 20тина докмаќинства и 10тина правни субјекти кои егзистираат на овој дел добиваат нов канализационен систем кои и ги решава проблемите страи 70 години.
„Се работи за систем за одведување и прочистување на комуналните води од домаќинствата. Сега за прв пат после 70 години овие домаќинства ќе имаат непречена можност да користат една ваква услуга“ – кажа Насев.
Задоволни од ваквиот ангажман на надлежните се и жителите од „Нов Караорман“.
Оваа инвестиција е на Министерството за транспорт и врски и канализациониот систем е вреден 13.5 милиони денари, и истиот е над илјада и шестотини метри заедно со прочистителната станица за отпадни води.
Лаура Стојанова М-Нет