Еден од најпознатите зимски центри во земјава, Ски Центар Попова Шапка, утре, недела (11 јануари 2026 година), официјално ја отвора новата скијачка сезона, најавувајќи почеток на уште една зима исполнета со спорт, адреналин и забава.
Од раните утрински часови, љубителите на снегот ќе можат да уживаат на подготвените патеки, а ски-лифтовите ќе бидат во функција во периодот од 08:45 до 15:00 часот. Снежната покривка и условите на терен ветуваат одличен почеток на сезоната за сите категории скијачи и сноубордери.
Од управата на ски-центарот информираат дека сите кои сè уште немаат обезбедено сезонски билет, ќе можат да го набават директно на билетарата на Попова Шапка, без дополнителни процедури.
Со повик до сите љубители на зимските спортови да ја подготват опремата и да ја соберат својата екипа, Попова Шапка уште еднаш се позиционира како омилена дестинација за викенд-бегство и активен одмор.