Покачени цени пред новогодишните празници на пазарот во Штип, граѓаните во шок од цената на оревот. Иако гужва имаше, сепак побарувачката значително помала од претходниот петок. И оние што купуваа, велат наместо еден килограм, купуваат по пола, за да имаат финансии за предстојните празници. Најмногу се бараа мандарините, а по слабо доматот и пиперот.
Продавачите пак велат, цените се идентични како и претходните петоци, ако цените ги спуштат, велат нема да можат да ги покријат патните трошоци.
Инаку, овој петок се продаваше последен праз, ајварски пипер, зимно грозје, чаеви, волнени чорапи, бркалки и многу доашни зачини за сите домакинки.
Иван Митев, М-Нет