На 21.04.2021 од страна на полициски службеници oд Полициската станица Штип во содејство со шумска полиција во место викано ,,Липовдолска ливада“, атар на Општина Штип, било затекнато патничко моторно возило ,,фиат темпра“, без регистарски таблици натоварено со огревни дабови дрва. Дрвата биле одземени и предадени на шумско стопанство „Серта“ Штип за понатамошна постапка.
На 21.04.2021 околу 23.00 часот, по преземени мерки и активности, полициски службеници од Одделението за внатрешни работи Берово во двор од куќа на ул.„Маршал Тито“ во Берово, сопственост на М.П., биле пронајдени околу 17 метри кубни огревни дрва. Увид на местото извршиле полициски службеници и шумска полиција на која и биле предадени дрвата за понатамошна постапка. По насоки од ОЈО Берово се работи на комплетирање на случајот.
На 22.04.2021 по преземени мерки и активности, од страна на полициски службеници од Одделението за внатрешни работи Берово во с. Двориште, на место викано „Буково“, во приколка биле пронајдени бесправно исечени 18 метри кубни борови дрва. По насоки од ОЈО Берово увид на местото извршила екипа од ОВР Берово и дрвата биле предадени на шумска полиција за понатамошна постапка.