Второлигашот Осогово од Кочани кој го предводи тренерот Крсте Крстев бележи серија на одлични резултати по осум кола во Втората лига.
„Жетварите“ имат учинок од четири победи, едно реми и три порази, и со 13 бодови се проби на делба на седмата позиција на табелата. Тимот игра далеку подобар фудбал од стартот на претходната сезона и сигурно е дека момците на Крстев ќе бележа одлични резултати и повеќе од јасно е дека целта освен што ќе биде директен опстанок ќе биде и што е можно повисок пласман на табелата.
Осогово сезоната ја отвори со реми против Каменица Саса во дерби кое заврши со резултат од 1:1, а се играше во Македонска Каменица. Следуваше триумф против Преспа на домашен терен од 2:0, а потоа следуваа два порази од Охрид во гости (2:0) и дома од Скопје со 2:3. Но, Осогово веднаш се врати на победничките патеки откако го доби Големо Коњари во гости со 0:2, а потоа дома загуби од Детонит Плачковица со минимални 0:1.
Осогово врза две победни во низа го доби дербито во Виница со Слога од 0:1, а потоа на домашен терен го надигра фаворитот Беласица со 3:1.
Двете победи во низа го искачија Осогово до делба на седмата позиција, бидејќи по 13 бодови имаат и Кожуф и Новаци. Екипата на Крстев има и позитивна гол разлика, 11 постигнати погодоци и осум примени или плус три.
Сезоната е долга, има уште многу натпревари, дефинитивно борбата за секој бод на секој натпревар ќе биде голема, но Осогово има тим и тренер кои ветуваат далеку подобри резултати и сигурно е дека Осогово ова сезона ќе биде далеку подобар во однос на ланската сезона.
Александар Ванев, М-Нет