Ново – старо возило за потребите на администрацијата набави Општина Крабинци кон крајот на минатата година. Бидејќи претходното возило не било во добра состојба како што тврди градоначалникот Викотр Паунов, општината од сопствениот Буџет издвоила средства за да набави ново. Станува збор за возило марка фолксваген пасат, 2017 година, купено половно, за кое општината потрошила речиси 25 илјади евра. Возилото е купено од приватна фирма од Кочани.
„Општина Карбинци во овој момент поседува едно возило, возило кое што е речиси неисправно за користење на општинската администрација. Заради таа причина Општина Карбинци набави половно возило кое е согласно потребите на општината за да се користи од општинската администрација. Возилото е околу 24 илјади евра и ќе се задоволат потребите на админстрацијата за службени потреби. Овие средства се обезбедени од страна на Буџетот на Општина Карбинци и се исплатени веднаш по набавката на возилото“ – вели Паунов.
Согласно електронскиот систем за јавни набавки, општината возилото го набавила кон средината на месец ноември минатата година, и е платено од Буџетот за 2023 година. Со ова возило градоначалникот Паунов вели дека потребите на администрацијата се задоволени, и дека во овој момент нема потреба од набавка на нови возила.
Лаура Стојанова М-Нет