Општина Виница со обезбедување на средства од сопствениот буџет, распишува тендер за промена на водоводната мрежа на дел од улиците во градот. Со тоа централниот дел на градот се урбанизира, а се решаваат и проблемите на виничани.
„Општина Виница распиша тендер за промена на водоводната мрежа на улиците: „Плачковички одред“ , „Раде Кончар“, „Кочо Рацин“, „Пролетерска“, и „Ѓорче Петров“ во градот Виница. Предвидени средства за оваа намена се во износ 3 милиони и 400 илјади денари без ДДВ обезбедени од буџетот на Општина Виница. Со изградбата на овој проект се заменуваат старите азбестни цевки со нови Полиетиленски и со овој опфат ќе бидат заменети 98% од водоводната мрежа во градот Виница.“
Ова не се единствените промени на водоводни цевки во град Виница, а со овој опфат се заменуваат 98% водоводната мрежа. Тендерот ќе трае со до пријавување на доволно фирми, и до конечно одредување на фирма за соработка. Заинтересираните страни може да се обратат на страната на општина Виница, или на соодветните телефонски броеви.
Лаура Стојанова М-Нет