Целосно ќе се пристапи кон реконструкција на државниот студентски дом „Браќа Миладиновци“ во Штип. Во текот на оваа година треба да започне замената на водовдната и канализациона мрежа, електричната инсталација, а ќе се работи и на замена на кровот, фасадата и кујната во домот. Ова е како дел од Националниот проект за реконструкција на студентски домови на ниво на државата.
„Со самата реконструкција ќе се зголеми комфорот и функционалноста на собите на сите студенти, ќе се замени целосно водоводната и канализациона инсталација, санитарната опрема и поставување на керамички плочки во санитарните јазли. Имаме целосна замена на електричната инсталација, целосна замена на системот за греењ, изработка на енергетско ефикасна фасада, замена на кровната конструкција и прозорците, поставување на фотоволтаични системи и производство на електрична енергија и комплетно реновирање на кујната.“ – вели Барбашка.
Предвидено е реконструкцијата да започне кон средината на месец јули оваа година, и да биде целонсо завршена во рок од 18 месеци. На ваков начин ќе се овозможат подобри услови за учениците и студентите кои престојуваат овде.
„Планирано е реконструкцијата на студентскиот дом да започне од 15 јули 2026 година. Самата реконструкција треба да заврши во периодот од 18 месеци“ – додава Барбашка.
За реконструкција на домот ќе бидат одвоени над два милиони евра, средства обезбедени преку заем.
Лаура Стојанова Ќирчов, М-Нет