Македонската ракометна репрезентација приреди вистински трилер на Европското првенство и со гол во последната секунда ја совлада Романија со 24:23!
Натпреварот беше борба до последен здив, со жестоко темпо и постојана неизвесност на семафорот. Македонија беше во водство во текот на целиот натпревар, но Романија изедначи на две минути пред крајот на натпреварот и беше најпотребно – Македонија покажа карактер, мирна рака и победнички менталитет.
Во моментите кога изгледаше дека мечот оди кон реми, македонските ракометари одиграа перфектен последен напад и го зададоа решавачкиот удар, предизвикувајќи ерупција од радост на теренот и на трибините во последната секунда од натпреварот.
Со оваа победа, Македонија ги одржа шансите за пласман во следната фаза на шампионатот и уште еднаш докажа дека никогаш не се предава, без разлика на противникот и минутите на часовникот.
Ова е победа што ќе се памети – по драма, по срце и по македонски инат.