Кочанската болница е прва болница во регионот која доби електрохируршки генератор. Станува збор за генератор кој може да се користи во секоја гранка од хирургијата, општа хирургија, урологија и гинекологоја до реконструктивни и специјализирани интервенции. Истиот овозможува контролирано сечење и коагулација што на медицинскиот тим му дава стабилна и безбедна енергија при различни хируршки интервенции.
„Ни се овозможи да го имаме овој апарат во кочанската. Ова е прва болница во Источниот регион која го има овој апарат и се надевам дека во иднина ќе ни послужи за изведување на посложени хируршки интервенции“ – вели Паник Мирчовска.
Дополнително овој апарат ќе биде од големо значење и за повредените од пожарот во дискотеката Пулс во Кочани, бидејќи помага во третманот на пациенти со изгореници.
„Овој генератор помогнал конкретно за пациентите кои беа засегнати од пожарот. Тој е со автоматизирана енергија ни овозможува приспособување според ткивото со цел концизно и точно отастранување на оштетените делови.“ – вели Хаџи Поповска.
Електрохируршкиот генератор е донација од сојузот на Лајонез клубовите во Македонија.
Лаура Стојанова Ќирчов, М-Нет