Средношколците интезивно се подготвуваат за полагање на државна матура. Во средните училишта во Штип се организираат часови на кои средношколците може да го проверат своето знаење заедно со ницвните професори, но и да ја повторат материјата потребна за полагање државна матура. Во сабота на 1 јуни се полага првиот задолжителен предмет за државна матура, а една недела подоцна се полага и вториот задолжителен предмет.
„Во средните општински училишта во тек се подготовките за полагање на државна матура и за завршен испит. Државната матура започнува со полагање на првиот задолжителен предмет, кој ќе се полага во сабота. Учениците интезивно работат со нивните професори со цел да ги подобрат знаењата и да постигнат подобри резултати. Вториот дел од полагањето ќе биде наредната неедела, на 8 јуни“ – вели Санева.
Инаку на територија на Општина Штип бројот на ученици кои се пријавиле за државна матура изнесува 475, за завршен испит 104, а за училишна матура 3. Во гимназијата „Славчо Стојменски“, државна матура ќе полагаат 144 ученика, а три училишна матура. Во СОУ Коле Нехтенин државна матура ќе полагаат 118 ученика, завршен испит со три години 31, а со четири години 42 средношколци. Во штипското медицинско училиште 207 матуранти ќе полагаат државна матура, а 15 завршен испит. Во СОУ „Димитар Мирасчиев“ државна матура ќе полагаат 6, а завршен испит 16 матуранти.
Лаура Стојанова М-Нет