Различни се вкусовите и афинитетите на младите штипски дечки кои и во услови на тотално бледило знаат да изненадат и да предизвикаат восхит на невообичаен начин. Спортската редакција на Мнет ТВ им излезе вo пресрет на овие прекрасни дечки кои за прв пат реализираат проект кој заслужува респект, внимание и почит. За прв пат се организира аматерски тениски турнир „Штип Опен 2021“ кој би се одржувал три пати годишно и кој би постанал традиционален. Засега тие делуваат самоиницијативно со надеж на пријавување на нови донатори и спонзори и со учество на тенисери – аматери од цела Македонија.
Турнирот започна во среда и ќе се одвива секојдневно до недела наименично во денски и во вечерни термини со учество на 16 натпреварувачи поделени во 4 групи со по четворица. Првопласираните двајца од групите продолжуваат понатаму во четврт – финале, полуфинале и во финале кое ќе се одигра во недела со почеток во 16 часот. За она кој стои зад овој мошне интересен тениски турнир Зоран Илиев вели дека засега делуваат самостојно и самоиницијативно а за понатаму се отворени за соработка и за проширување на списокот на учесници, помагатели и можеби вклучување на локалните власти. Почетно огромна е благодарноста кон тенискиот клуб Астибо на чело со Срџан Савески околу организацијата на теренот и утврдувањето на термините за игра.
Турнирот започна во среда и ќе се одвива секојдневно до недела наименично во денски и во вечерни термини со учество на 16 натпреварувачи поделени во 4 групи со по четворица. Првопласираните двајца од групите продолжуваат понатаму во четврт – финале, полуфинале и во финале кое ќе се одигра во недела со почеток во 16 часот. За она кој стои зад овој мошне интересен тениски турнир Зоран Илиев вели дека засега делуваат самостојно и самоиницијативно а за понатаму се отворени за соработка и за проширување на списокот на учесници, помагатели и можеби вклучување на локалните власти. Почетно огромна е благодарноста кон тенискиот клуб Астибо на чело со Срџан Савески околу организацијата на теренот и утврдувањето на термините за игра.
Тениската забава на овие верни другари, некогашни спортисти измешани со профили од други различни професии е вистинско освежување во ова лудо време, да се дојде до пријатно катче на терените крај Елкос и да се ужива во нивните аматерски тениски креации.
Драги Герасимов – Пушка Mnet.mk