Нема потреба од дополнителен простор за вакцинација во Штип. Просториите на Здравствениот дом „Панче Караѓозов“ се доволни за да ја покријат заинтересираноста на граѓаните. Таму, и покрај тоа што е зголемен интересот за вакцинација, се примаат и прва доза и ревакцина. Има оспособено уште една нова просторија, но сепак тоа е доволно, велат медицинските лица.
На вакциналниот пункт нема конфликтни ситуации како на некои други пунктови во државата. И покрај гужвата, периодот на чекање зависи од моментот, но не е повеќе од 10 – 15 минути.
Инаку, во текот на овие неколку дена забележан е значително зголемн интерес за вакцинација помеѓу граѓаните на сите вакцинални пунктови во државата.
Досега вкупно се аплицирани 1.016.700 дози вакцини, а ревакцинирани се 454.788 граѓани.
Ребека Спасова МНет