Завршува минатогодишното есенско производство на тиквата. Производителите од регионов полека ги продаваат последните парчиња по пазарите, но и се подготвуваат за нова сеидба, која ќе почне напролет. Нашиот соговорник, кој тиквата ја произведува во штипско Лакавица вели дека секое производство си има своја тежина, што не секогаш и исплатливо, но мора да се работи нешто. Потешко е што веќе нема кој да работи.
„Многу е тиквата убава, ама веќе е последно за оваа година, па на есен, здравје, ќе има пак. Сега се произведува, во април веќе може да почне да се сади. До крајот на есента се произведува цело време. Па види сега, секое производство си има своја тежина, си има работа – копање, орање, наводнување. Зависи, од годината како ќе се погоди.“
Тиква-балка за печење или други сорти повеќе користени за кашички и чорби, граѓаните во зима и есен често го купуваат овој производ. Произведената количина веќе е намалена, бидејќи голем дел се има продадено.
„И од бананките имам, и за семки што се тие тикви, такви произведувам, ама тие веќе завршија, нема веќе. Вие се зимни, есенски тикви, за печење и за кашички, чорби најмногу ги земаат. Оние што се за пржење ги има преку целата година.“
Условите за производство на тикви оваа година – одлични. Доволно влага, сонце и погодено место е она што му треба на ова растение да успее.
Ребека Спасова М-Нет