Спортскиот печат на регионот во 2019 година му го даде Женскиот фудбалски клуб САСА. Убавите девојки од убавиот рударскиот град станаа државен првак во фудбал за жени за полусезоната 2019/2020 година.
Ова е секако важен факт, но не помала важност има фактот дека во ЖФК Саса тренираат дури 70 девојчиња во три категории: сениорска, младинска и пионерска. Тоа се девојчиња на возраст од 12 до 18 години. Сенорскиот тим има 12 победи и само еден нерешен резултат во полусезоната. Младинскиот тим е на второ место во својата категорија.
Зад клубот и неговите успеси стои Зоран Златковски, поранешен активен фудбалер. Тој е архитектот на клубот, идеен творец, негов претседател. Тренер на клубот е Ивелина Златковска, а клубот ги има сите услови за тренинг и натпревари.
Зад Женскиот фудбалски клуб САСА од Македонска Каменица финансиски стои истоимениот рудник за олово и цинк кoj и со оваа поддршка на еден спортски колектив ја докажува својата голема општествена одговорност, а меѓусебната синергија на релација рудник-клуб ги дава посакуваните резултати.
Поради сето ова новинарите од регионот го прогласија ЖФК САСА за најдоброто во спортот на истокот за 2019 година.