Младиот штипјанец Драган Костадинов се врати со прва награда од Меѓународниот натпревар за млади хармоникаши „Ѕвездени патеки“ кој се одржа во Крагуевац, Р Србија. 13-годишниот Костадинов го освои првото место во категоријата 2008-2009 година, под менторство на проф. м-р Тони Лазаров, а ваков успех постигна меѓу учесници од Србија, Црна Гора, Босна, Хрватска, Словенија, Македонија и Романија. За наградите одлучувала Комисија која се состоела од членови од Германија, Франција, Хрватска, Србија и Црна Гора.
Ова е 17. издание на Меѓународниот натпревар за млади хармоникаши „Ѕвездени патеки“, кој е најпрестижен натпревар на бившите југословенски простори за класична музика, конкретно хармоника. За ова сведочи и фактот што претходниве години имало околу 70 учесници, а и оваа година поради големиот број на учесници натпреварот траел три дена.
Ребека Спасова М-Нет