Повратникот во Втората македонска фудбалска лига екипата на Вардар од Неготино продолжува со засилувањата и градењето на тимот за новата сезона.
Најново засилување кое пристигна во Неготино е Дарко Николов кој доаѓа од второлигашот Кожуф од Гевгелија, а настапува на позицијата штопер.
Во својата кариера Николов има настапувано за Брегалница, Кит Го од Пехчево, Слога Виница и последно Кожуф.
Како што веќе објави телевизија М Нет, Вардар Неготино претходно се засили со Стефан Тасев, Аделин Казимов, Илија Апостолвоски, Кристијан Костовски, Дарко Алексовски и Мартин Димовски.
Вардар Неготино ги започна подготовките за новата сезона, а договорени се и неколку пријателски натпревари преку кои ќе се темпира формата за новата сезона.