Во Штип најмногу пријави од страна на работници кои морале да работат на отворено на температури околу 40 степен. Од „Гласен текстилец“ посочуваат дека пријави имало и од Свети Николе и Скопје, а пријавувале градежни работници како и вработени во јавни претпријатија.
„Претежно морам да кажам дека зголемена е културата и свеста на обичните граѓани. Во текот на вчерашниот ден луѓе пријавуваа во однос на градежни работници и работници од јавни претпријатија од Скопје. Дури и обичните граѓани приметуваат дека се прекршуваат правата на работниците и дека работат на изложеност на сонце“ – вели Ампева.
Лоша е сликата и со превозот кој ги превозува работниците од работно место до дома и обратно. Неклиматизирани и преполни автобуси се сликата секојдневно на терен во Штип па од Гласен текстилец посочуваат дека на пеколно високи температури ова е проблем кој треба да се реши.
„Генерално сликата е ваква каква што е, се гледа на постројките во периодот од 14 ипол до 15 часот. Во текот на вчерашниот ден го контактирав и градоначалникот и го посочив проблемот особено заради фактот дека автобусите се неклиматизирани. Сметам дека во вакви услови треба да се реагира“ – додава Ампева.
За време на топлотниот бран Владата донесе мерки и препораки со кој треба да се ослободат од работа бремените жени и работници над 60 години, а во периодот од 11 до 17 часот не треба да работат и градежните работници и вработени во јавните претпирјатија.
Лаура Стојанова М-Нет