Ракометната федерација на Македонија ги делегираше официјалните лица за бараж натпреварот меѓу Радовиш и Еурофарм Пелистер 2.
Овој бараж меч ќе го даде последниот тим кој следната сезона ќе настапува во ракометната елита на Македонија. Екипата на Еурофарм Пелистер 2 се бори да го сочува суперлигашкиот статут, а пак Радовиш да се врати во Суперлигата по една година во Првата лига.
Виктор Андонов и Стојанче Јовановски ќе бидат судиската двојка која ќе ја дели правдата на баражот, а пак делегати ќе бидат Камер Металари и Бобан Мајнов.
Баражот меѓу Радовиш и Еурофарм Пелистер 2 ќе се игра во салата во Автокоманда во Скопје, во недела од 16 часот.
Александар Ванев, М-Нет