Попладнево се одиграа натпреварите од редовното 7 коло на ВМФЛ – Исток во кое екипата на Брегалница оствари висока победа против тимот на Слога од Виница изразена се резултат 6:1.
Резултатот изгледа висок, Брегалница навистина прикажа добра игра, но истото тоа се однесува и за екипата на Слога која играше отворено и притоа преку Антонио Бујчевски имаше три стопостотни шанси а Бојан Спасевски ја погоди и стативата на Брегалница . Покрај шесте постигнатои голови Брегалница имаше уште неколку поволни можности , но не беа реализирани.
Стрелци на головите за Брегалница беа Ристе Наумов и Дарко Додев по 2 а Мартин Стојанов и Андреј Кудијан од пенал постигнаа по еден гол. Стрелец за почесниот гол на Слога беше Александар Бујчевски.
Екипата на Кит Го со голот на Оливер Христов славеше со резултат 1:0 на гостувањето кај Плачковица во Радовиш. Еве ги комплетните резултати од ова 7 коло:
Брегалница – Слога В 6:1
Плачковица – Кит Го Пехчево 0:1
Тиквеш – Победа 3:0
Кожув – Каменица Саса 1:1
Осогово – Росоман 5:4
Тиквеш и Брегалница го делат првото место на табелата со по 17 освоени бодови а на третото место екипата на Кожув има 12 бодови.
Драги Герасимов – Пушка