Првото пролетно коло во Втората лига не направи големи промени на табелата, но направи уште поголем притисок за второто место кое директно води кон Прва лига, како и за долниот дел односно каде ќе се води борба за опстанок, а тука неколку екипи се загрозени.
Македонија ЃП со минимални 0:1 славеше над Охрид и со тоа сега „лавовите“ се на врвот од табелата со 41 бод, а тоа значи и уште поголема бодовна залиха од седум бодови во однос на второпласираната Брегалница.
Штипјани остануваат со 34 бодови на второто место, Башкими е трет со 33 бодови, а пак Арсими сега се доближи до второто место со 32 бодови. Брегалница ремизираше играјќи нула со Победа, а пак Башкими одигра 1:1 со Борец и од ова ситуација Арсими најмногу доби кој славеше над Беласица со 0:1 и и ги искористи киксовите на Брегалница и Башкими. Со ваква околност притисокот за второто место дополнително ќе расте.
Детонит Плачковица ремизираше со Новаци играјќи 0:0 и останува на пеетото место со 25 бодови, а пак Скопје после убедливата победа од 0:3 над Вардарски дојде до шесттото место и има 25 бодови, колку што има и Саса која пак ремизираше во Турново со Кожуф играјќи 1:1.
Охрид се спушти на осмото место со 24 бодови, Кожуф е деветти со 23 бодови, Новаци е десетти со 19 бодови, а толку има и Беласица која е место подолу.
Сега доаѓа тој момент каде ќе се води вистинска борба за опстанок во лигата. Вардар Неготино славеше против Осогово со минимални 1:0 и изби на 12-тото место со 17 бодови, Победа е место подолу сега со 15 бодови. Во бараж зоната е екипата на Осогово која има осум бодови, Борец е претпоследен со шест бода, а на дното е Вардарски со пет бодови.
Последните две места директно водат кон испаѓање во Трета лига, а пак 14-тото место води кон баражот за опстанок во Втора лига.
Александар Ванев, М-Нет