Фудбалскиот клуб Шкендија Арачиново преку официјално соопштение ја информираше спортската јавност и навивачите дека интензивно и без прекин работи на комплетирање и засилување на играчкиот кадар во пресрет на продолжението од сезоната.
Ова доаѓа откако клубот неодамна се раздели со 13 фудбалери, па раководството јасно става до знаење дека во тек е процес на реорганизација и освежување на тимот. Во овој момент, како што информираат од Шкендија Арачиново, се водат интензивни разговори со неколку квалитетни играчи, со цел екипата да биде уште поконкурентна и подготвена за исполнување на зацртаните цели во вториот дел од првенството.
Воедно, од клубот најавија дека во понеделник, на 12 јануари, тимот официјално ќе ги започне подготовките за пролетниот дел од сезоната, под водство на стручниот штаб. Фокусот ќе биде ставен на физичката подготвеност, тактичкото уигрување и подобрување на организацијата на играта.
Од раководството нагласуваат дека сите чекори се преземаат внимателно и професионално, во согласност со долгорочната стратегија на клубот. За сите конкретни и официјални информации поврзани со нови засилувања, јавноста и навивачите ќе бидат навремено информирани преку официјалните канали.
Шкендија Арачиново им се заблагодари на навивачите за континуираната поддршка и порача дека заедно продолжуваат во новото поглавје со јасна визија и амбиции за успешна пролетна сезона.