Шампионот во Првата футсал лига, екипата на Проект го промовираше Александар Коцев како големо засилување за новата сезона, во која Проект ќе ја брани двојната круна, но ќе се подготвува и за предизвиците во квалификациите на Лигата на шампиони.
Коцев е играч кој располага со голем квалитет, а кој низ неговата кариера настапуваше за Беласица каде запиша над 150 натпревари, а ги има поминато и младинските категории на Брера Струмица.
Претходно, Проект ја продолжи соработката со играчите од минатата шампионска сезона, што е потврда за одличната работа на клубот од Јосифиво во кој тим има одлична победничка атмосфера.
Проект минатата сезона без ниту едно реми и без ниту еден пораз ја освои шампионската титула, како и Куп титулата. Проект во својата историја двапати ја освои шампионската титула, а минатата сезона за првпат и Куп титулата, за комплетирање на првата двојна круна.
Александар Ванев, М-Нет